نهفات شعراء

]الضب قدم للوزارة شكيه = يقول أنا مظلوم وسط الصحارى

الحيوانات تعيش عيشه هنية = وانا مع الكبسات تحت الكباري

مسكين مالي واسطة خارجية = الواسطة عند الظباء والحباري

اشكي من الازمة ظروفي قويه = خصوص وقت الصيف الجسم عاري

محمية الغزلان دون الحوية = وانا مقطع وسط الرز االبخاري

....................................

من شاف وجهك مايبشّـره بالخير"="هو صادك الرادار ولا تخالفت

ولا فجعت امن الصبح في فواتير "=" ولا طردت ادريولك ثم تحسفت

كانه معاشك وانخصم به دنانير"="ياما ترز الوجه وياما تسلفت

قال البلا في موتري طايح القير "=" والزيت خرخر حولي يومن تلفت

والراتب الفقري ويشلع تقل طير "=" مابين فاتورة وقسط تنتفت
...............................................................


حسبي الله على دنيا العزوبية = لو انها حلوةٍ في بعض الأحياني
مليت غسل الدجاجة والملوخية= كله علشان أوفر غسل قدحاني
في الظهر نغسل ونطبخ كل ليلية = بس آه ريح البصل يا عالم أعماني
عز الله اني مكيف بالعزيزية = لكن ظروف الزمن غصبٍ تبلاني
وش عاد لو في يدي ((بليون)) روبيه = واركب على موترٍ من صنعٍ ألماني
وشيكات اكتب بها مليون أو ميه = واكتب به أية رقم يطري على لساني
وقصرٍ مشيد على شطآن بحرية = فيه الخدم والحشم تحت أمر ضيفاني
والزين جالس ويقرا كتب طبية = ويعمل تواقيع مشروعات من شاني
ونقطع تذاكر سفر في كل صيفية = وناخذ سياحة على لندن ولبناني

....................................
[/قال الذي بطنه من الرز مليان = يلهم من المزه على غير قـــادي

عمره وصل خمسين ماذاق قرصان =ولا ناظر المرقوق وسط البوادي

يدربي كرشه ويزنت بليهان=وان قلت له وين انت به قال غــادي

ماهو بمثل اللي مر دكان= شرى طحينيه وخبز وزبـــادي

..................................
]ياليت عـند عـبـيـد أربع مــلايـيـن=وأربع عماراتن بحي العليّا
وأربع صوالينن على شكل لونين=هي منوتي كان انها لي تهيّا
وأربع بناتن عمرهن دون عشرين=أرداهـن اللي مثل نور الـثريّا
أبي ليا مـنـّه غــدا الليل لـيـلـيـن=كلن تقول خليف عندي هنيّا